عقيلي، اين. ايم: نامور سرڪاري عملدار، اقتصاديات جو ماهر ۽ اڳوڻو خزاني جو وزير، اين. ايم. عقيلي، 11 آگسٽ 1913ع ۾ ٺٽي ۾ ڄائو. هن جو اصل نالو نبي بخش محمد صديق هو. سندس تعلق ٺٽي شهر جي عقيلي خاندان سان هو. هن عملي زندگيءَ جي شروعات بئنڪ ۾ نوڪريءَ سان ڪئي. 1951ع ۾ بئنڪ آف پاڪستان'>اسٽيٽ بئنڪ آف پاڪستان ۾ فارين ايڪسچينج ڊائريڪٽر مقرر ٿيو. 1966ع ۾ PICIC پاڪستان انڊسٽريل ڪريڊٽ اينڊ انويسٽمينٽ ڪارپوريشن ۾ مئنيجنگ ڊائريڪٽر ٿيو. ان کان سواءِ هن ملڪ جي مختلف مالياتي ۽ اقتصادي ادارن ۾ رڪن ۽ عهديدار جي حيثيت ۾ ذميواريون ادا ڪيون، جن ۾ (1) پاڪستان انسٽيٽيوٽ آف چارٽرڊ اڪائونٽس، (2) ڪائونسل آف پاڪستان انسٽيٽيوٽ آف بئنڪرز، (3) سنڌ مدرسو ۽ سنڌ مدرسو اولڊ بوائز ايسوسيئيشن شامل آهن. هن بئنڪ ڪاري، مالياتي معاشيات ۽ واپار جي موضوع تي بين الاقوامي ڪانفرنسن ۾ آمريڪا، برطانيا کان سواءِ يورپ ۽ ايشيا جي ملڪن ۾ پاڪستان جي نمائندگي ڪئي. 30 جولاءِ 1966ع تي صدر ايوب خان جي دور ۾ کيس ذهني صلاحيتن سبب ڏيهي توڙي پرڏيهي اوارڊن سان نوازيو ويو. 1961ع ۾ ستاره قائداعظم، 1965ع ۾ ستاره پاڪستان کان سواءِ 1964ع ۾ جرمنيءَ پاران ‘ڪمانڊرس ڪراس آف دي آرڊر آف ميرٽ’ جو اوارڊ ڏنو ويو. هن 12 نومبر 1992ع وفات ڪئي. کيس ڪراچيءَ ۾ دفنايو ويو.
1913.08.11 عيسوي
نامور سرڪاري عملدار، اقتصاديات جو ماهر ۽ اڳوڻو خزاني جو وزير، اين. ايم. عقيلي، 11 آگسٽ 1913ع ۾ ٺٽي ۾ ڄائو.
1992.11.12 عيسوي
اين. ايم. عقيلي 12 نومبر 1992ع وفات ڪئي. کيس ڪراچيءَ ۾ دفنايو ويو.